सध्या सर्वत्र पावसाचे वातावरण निर्माण झालेले आहे अनेक ठिकाणी मुसळधार पाऊस सुद्धा झाला आहे तर काही ठिकाणी अजूनही सुरु आहे. सुखावह वाटणारा हा पाऊस येताच अनेक साथ आणि रोगांचे सुद्धा आगमन होत असते. अनेक ठिकाणी सध्या तापाची साथ सुरु आहे तर देशातील काही ठिकाणी चिकुन गुनियाचे रुग्ण सुद्धा आढळून आलेले आहेत. पावसाचे पाणी जमल्याने अनेक ठिकाणी मच्छर पैदा होत आहेत आणि त्यामुळे डेंग्यू व चिकुन गुनिया सारख्या तापाची साथ येत आहे.
चिकुन गुनिया हा एडिस मच्छर यांच्या चावण्याने होतो. डेंग्यू सारखीच लक्षणे ‘चिकुन गुनिया’ची सुद्धा दिसून येतात. लागण झाल्यापासून २-४ दिवसात याची लक्षणे दिसून येतात. सर्वप्रथम ताप येणे जो ३९ ते १०४ डिग्री पर्यंत सुद्धा जाऊ शकतो तर सर्दी, उल्‍टी, चक्‍कर आणि डोकेदुखी अशी लक्षणे अचानक दिसून येतात. कधी कधी शरीरावर पुरळ, खाज वगैरे सुद्धा होऊ शकते. अंग ठणकणे, सांधेदुखी जी लवकर ठीक होत नाही, डोळ्यात आग होणे, तीव्र डोकेदुखी तसेच दोन्ही हाथ आणि पाय दुखणे व थकवा जाणवणे ही सर्व लक्षणे ‘चिकुन गुनिया’ची आहेत .
चिकुन गुनिया साठी मेडिकल स्टोअर मध्ये eupatperf 200 ही औषधी उपलब्ध आहे जी चिकुन गुनिया वर दिली जाते. याशिवाय अनेक घरगुती उपाय करून आपण हा आजार दूर ठेवू शकता. जसे, जास्तीत जास्त आराम करणे, बाहेरचं खाद्यपदार्थ खाणे टाळणे. विशेषतः तेलकट पदार्थ. सूप आणि नारळाच्या पाण्याचे सेवन करणे. जर आपणास लक्षणे दिसत असतील तर कडुनिंबाच्या पानाचा रस काढून प्यावा म्हणजे लवकर बरं होण्यास मदत होते. घराच्या आसपास कुठेही पाणी जमा होऊ न देणे, स्वच्छता राखणे. वर सांगितलेली कुठलेली लक्षणे आढळून आल्यास त्वरित आपल्या जवळील डॉक्टरांशी संपर्क करावा.