बुलडाणा येथून जवळच प्रसिद्ध सैलानी तीर्थक्षेत्र आहे. देशभरातून अनेक भक्त सैलानी येथे येत असतात. उन्हाळ्याच्या सुरुवातीला सैलानी येथे भव्य दिव्य यात्रा भरत असते. दरवर्षीप्रमाणे यावर्षी सुद्धा सैलानी यात्रेस सुरुवात झाली असून. अनेक भक्त सैलानी येथे जात आहेत. बुलडाण्यातील एकमेव सर्व धर्मीय असे धार्मिक स्थान म्हणजे हाजी अब्दुल रहेमान सरकार सैलानी बाबा यांची दर्गा होय. या दर्गेचे वैशिष्टे म्हणजे येथे फक्त महाराष्ट्रातील नव्हे तर संपूर्ण भारतातील व विदेशातील देखील भक्त गण येथे दर्शनाला येतात.
बाबा सैलानीचे भक्त गण दरवर्षी ज्या क्षणाची प्रतीक्षा करता तो क्षण, तो दिवस म्हणजे होळीचा दिवस होय. आज होळी आहे या होळीच्या दिवसा पासूनच हाजी अब्दुल रहेमान सरकार सैलानी बाबा यांची दर्गा ला भव्य-दिव्य अशी यात्रा भरते या यात्रेचे खास वैशिष्ट म्हणजे नारळांची होळी पौर्णिमेच्‍या मुहूर्तावर पेटविण्यात येत असते. या प्रसंगी लाखो भाविक विविध व्याधीतून मुक्ती मिळविण्यासाठी बिबे, सुया, लिंबू टोचलेली नारळ येथे उतरवितात. याच नारळांची आगळीवेगळी होळी येथे पेटविली जाते. या होळी मध्ये जवळपास ४ ते ५ ट्रक नारळांची होळी ही पेटवली जाते. (यास जश्न-ए-उर्स शरीफ समारोह या नावाने देखील संबोधल्या जाते.) ही होळी प्रसिद्ध आहे. सैलानी बाबांच्या यात्रेमध्ये देशभरातून सुमारे ५ लाख भावीक दर्शनाला येतात. यावेळी सैलानी यात्रेस सुरुवात झाली असून अनेक यात्रेकरू सैलानी कडे मार्गस्थ होताना दिसून येत आहेत. बुलडाणा येथून सैलानी जाण्यास एस टी महामंडळाने जादा बसेसची व्यवस्था केलेली आहे.