असुरक्षित शारीरिक संबंधातून अनेकदा झालेले आजार म्हणजे ‘सांगता ही येत नाही आणि सहनही होत नाही’ अशी परिस्थिती. कुणी हे टाळण्यासाठी ‘निरोध’ चा पण वापर करतात परंतु असे असले तरीही जर आपल्या जोडीदारास त्याचे संक्रमण झाले असेल तर त्याचा धोका पुढील व्यक्तीस सुद्धा असतोच आणि संक्रमण झाले की नाही हे ओळखावं? ही सुद्धा अवघड बाब आहे. परंतु यावर आता उपाय निघाला आहे. संबंध होण्याआधीच ‘धोक्याची घंटा’ वाजवून तुम्हाला सतर्क करणारा रंगबीरेंगी कोंडम आला आहे.

या कोंडम च्या बाहेरील आवरणावर एक प्रकारचे रसायन वापरण्यात आले असुन एसटीआय विषाणू च्या संपर्कात आल्यावर लगेच या कोंडम चा रंग बदलतो. निळा, पिवळा, जांभळा आणि हिरवा रंग झाला म्हणजे समजून घ्यायचे की पुढील व्यक्तीस कुठल्या तरी रोगाचे संक्रमण झाले आहे. त्यामुळे वेळीच सावध होवून होणाऱ्या दुष्परिणामापासून वाचल्या जाऊ शकते. इसाक न्युटन युनिवर्सिटी चा १४ वर्षीय ‘दान्याल अली’ यांच्या ‘टीम’ ने हा शोध लावला आहे.

परंतु एवढ्यात आनंदी होण्याची ही वेळ नाही आहे. कारण तूर्तास तरी जवळील बाजारात ही उपलब्ध नाहीत.