मदिरापान करून लग्नास येणे एका नवरदेवास चांगले महागात पडले. स्वतःच्याच लग्नात यथेच्छ मदिरापान करून हजेरी लावल्याने वधूने तोंडाला काळे फासून आणि गळ्यात चपलांचा हार घालून लग्न मंडपातून हाकलून लावले.

बिहारच्या नवतोली गावात सदर प्रकार घडला. येथून जवळ असलेल्या पड़वापचहर गावच्या मैट्रिक पास रंजीत कुमार कामत याचा विवाह नवतोलीच्या जयमाला सोबत जमला होता. सदर मुलगी ही शिक्षण घेत होती. लग्नाच्या दिवशी वरपक्ष आपल्या वऱ्हाडा सोबत आले. सुरुवातीचे सर्व कार्य सोहळे पार पडल्यानंतर नवरदेव हा आपल्या मामेभावास सोबत घेवून जवळच असलेल्या बियर बार मध्ये गेला आणि त्याने मदिरापान करून गोंधळ घातला. गावातील लोकांनी समजवण्याचा प्रयत्न केला असता त्यांना देखील ते जुमानत नवते. अखेर आपला मोर्चा त्यांनी विवाह मंडपाकडे वळवला आणि पुन्हा मदिरापान करण्याची मागणी केली. यावेळी मात्र संयमाचा बांध तुटला आणि वधूने लग्न करण्यास नकार दर्शवून नशेत धूत असलेल्या नवरदेवाच्या तोंडाला काळे फासले आणि गळ्यात चपलांची माळ घालून हाकलून लावले.