रिसोड जवळ इंडिका कारला अपघात, ७ ठार. रिसोड तालुक्यातील भर जहांगीर जवळ भरधाव वेगात असलेल्या इंडिका कारला भीषण अपघात झाला. या मध्ये ७ ठार झाले आहेत. काल रात्री रिसोड कडून भर जहांगीर कडे सदर इंडिका कार येत होती. गावाजवळील एका वळणावर चालकाचा इंडिका कारवरील ताबा सुटल्याने गाडी रस्त्याच्या कडेला असलेल्या झाडावर जावून आदळली. इंडिका कारमध्ये प्रवास करीत असलेल्या ७ जणांपैकी ६ जन जागीच ठार झाले तर एकाचा उपचारा दरम्यान मृत्यू झाला आहे.इंडिका कारमध्ये प्रवास करीत असलेले ७ पैकी ५ जण हे लोणार येथील होते. मृत हे सर्व २०-२५ वयोगटातील होते.