आपलं व्हाट्सएप्प तुम्ही अपडेट केलं आहे का ? ज्यांनी केलंय त्यांना व्हाट्सएप्प कडून नविन फिचर गिफ्ट मिळालं आहे. हे फिचर काय आहे ? सांगायचं झालं म्हणजे आधी हे फिचर ‘स्नॅपचॅट’ मध्ये होत तसेच व्हाट्सएप्प ने सुद्धा आणले आहे. आपलं स्टेटस अपडेट !!!

आधी फक्त टेक्स्ट स्वरूपात असलेलं स्टेटस अपडेट आता बदललं आहे. एखादी इमेज, विडिओ किंवा GIF आपण आता स्टेटस च्या रूपात ठेवू शकतो. आधी आपलं स्टेटस बघायला संबधित व्यक्तीच्या प्रोफाइल वर जावं लागायचं परंतु नव्या फीचरमुळे आपल्या लिस्ट मध्ये असेल्या प्रत्येकाचं स्टेटस आपल्याला एकाचवेळी बघता येते. शिवाय आपण आपलं स्टेटस किती जणांनी बघितलं हे सुद्धा बघू शकतो. एवढंच नाही तर आपलं स्टेटस इतरांना फॉरवर्ड सुद्धा करता येतं.

व्हाट्सएप्प च्या डॅशबोर्ड वर गेल्यावर मध्ये ‘status’ दिसून येत त्या वर क्लिक केलं की, सर्वात आधी आपण ठेवलेलं स्टेटस आणि त्या नंतर इतरांचे ताजे स्टेटस दिसून येतात. त्या खालीच किती जणांनी आपलं स्टेटस बदललं आहे त्याची लिस्ट दिसून येते. “my status ” ला क्लिक केल्यावर किती जणांनी ते बघितल त्याचा आकडा तर पुढे छोट्या हिरव्या रंगात असलेल्या बाणाने आपण आपलं स्टेटस इतरांना पाठवू शकतो. आहे ना झक्कास फिचर !

तुम्हाला जर हे तुमच्या व्हाट्सएप्प मध्ये दिसत नसेल तर तुमचं व्हाट्सएप्प अपडेट करा मग तुम्ही सुद्धा याचा आनंद घेऊ शकता. व्हाट्सएप्प अपडेट करण्यासाठी गुगल प्ले मध्ये जा आणि वरती दिसत असलेल्या “search bar’ मध्ये ‘whatsapp’ टाईप करा त्या नंतर व्हाट्सएप्प दिसू लागेल तिथे update बटनावर क्लिक केलं म्हणजे आपलं व्हाट्सएप्प अपडेट होईल.