“रंगांची उधळण”

सप्तरंगातुन उधळून आली,
आनंदाची होळी.

मिळूनी सर्वानी खाऊया,
आज पुरणाची पोळी.
भांडण-तंटा, रुसवे-फुगवे,
मारा यांना गोळी.
नको नाही म्हणता म्हणता,
भिजली साडी अनं चोळी.

लाल-गुलाबी, निळा-जांभळा,
घेऊनिया रंग.
लहान-मोठे, सगे-सोयरे,
या माझ्या संग.
पिचकारीत रंग घेऊनी,
राधा ही आली.
कान्हाला या साद घालुनी,
रंग लाविला गाली.
गोकुळात या राधा-गवळणी,
झाल्या हो दंग. लहान-मोठे, सगे-सोयरे,
या माझ्या संग… या माझ्या संग…..

सौ. अनिता भागवत येवले
बुलडाणा