रिलायन्स जिओ नंतर आता टेलिकॉम स्पर्धेत बीएसएनएल ने सुद्धा उडी मारली असून कंपनी ने ‘दिल खोल के बोल’ नावाने अनलिमिटेड कॉलिंग प्लान सुरु केला आहे. यामध्ये अनलिमिटेड कॉल्स आणि 6GB इंटरनेट डाटा मिळणार आहे. शिवाय रोमिंग फ्री असणार आहे.
बीएसएनएल ने आपल्या पोस्टपेड ग्राहकांसाठी ५९९ रु. मध्ये हा प्लॅन आणला असून हा प्लॅन रोमिंग मध्ये सुद्धा काम करणार आहे. त्यामुळे तुम्ही देशभरात कुठेही असलात तरी तुम्ही ‘दिल खोल के’ बोलू शकता. देशभरात २२ सर्कल मध्ये हा प्लॅन लॉन्च केला आहे. कालच एयरटेल ने आपलं रोमिंग बंद केलं आहे. त्या नंतर बीएसएनएल ने सुद्धा ग्राहकांसाठी ‘दिल खोल के बोल’ प्लॅन आनलेला असून ५९९ रु. च्या यामध्ये 6GB इंटरनेट डाटा पहिल्या ४ महिन्यासाठी मिळणार आहे. त्या नंतर प्रत्येक महिन्याला ३ GB डाटा मिळेल. सुरुवातीला प्रमोशनल ऑफर तऱ्हेने हा प्लॅन काम करणार असून त्या नंतर ग्राहकांना ७९९ रु. मध्ये हा प्लॅन मिळेल.
