दि. ४ मार्च २०१७ रोजी अँड. गणेश मधुकर इंगळे, अध्यक्ष डॉ. बी. आर. आंबेडकर फाउंडेशन व संघर्ष ग्रुप, यांच्या वाढदिवसा निमित्त रक्तदान तसेच वृक्षारोपण करण्यात आले. यावेळी कार्यक्रमाच्या अध्यक्षस्थानी मा. सुरेशभाऊ सिनकर आणि प्रमुख पाहुणे म्हणून नवनिर्वाचित प.स सदस्य श्रीमती कविता अनंत लहासे तसेच प्रा. आंबेकर शाहीर डी. आर. इंगळे आणी सावळा-सुंदरखेडच्या सरपंच डॉ. शीतलताई नरवाडे-इंगळे उपस्थित होत्या. सर्वप्रथम मान्यवरांच्या हस्ते डॉ. आंबेडकरांचे प्रतिमा पुजन करण्यात आले. आशीर्वाद पर भाषणांत प्रा. आंबेकर व शाहीर डी. आर. इंगळे यांनी अँड. गणेशभाऊ इंगळे यांना वाढदिवसाच्या शुभेच्छा दिल्या.
याप्रसंगी अँड. गणेशभाऊ मधुकर इंगळे यांचे चाहतेही मोठ्या प्रमाणात उपस्थित होते. त्यांनीही गणेशभाऊंना शुभेच्छा दिल्या. बुलडाणा अर्बन ब्लड बँकेचे प्रतिनिधी ही उपस्थित होते. सुरुवातीला अँड.गणेशभाऊ इंगळे यांनी स्वतः रक्तदान केले. तसेच संघर्ष ग्रुपच्या जवळपास ५० कार्यकर्त्यांनी रक्तदान केले. यावेळी ग्रामपंचायत सदस्य संदीप देशमुख, संतोष राजपूत, अतुल दाभाडे, बाला ठाकूर, सुभाष सोळंकी, किरणताई गवई, मनोज तायडे, उमेश सातव, अर्जुन खरात, आणि विशेष उपस्थिती म्हणून उपसरपंच राहूल समाधान सावळे उपस्थित होते. सर्वानी अँड. गणेशभाऊ इंगळेना पुष्पगुच्छ देऊन वाढदिवसाच्या शुभेच्छा दिल्या त्यानंतर संध्याकाळी त्रिशरण चौकामध्ये आपले मनोगत व्यक्त करतांना अँड.गणेशभाऊ इंगळे यांनी संकल्प केला की ५० वृक्ष लावून त्यांचे संवर्धन करेल. यावेळी सुरेशभाऊ सिनकर यांनी अँड. गणेशभाऊ इंगळे यांना शुभेच्छा देतांना त्यांच्या या संकल्पाचे कौतुक केले.
कार्यक्रमाचे सुत्रसंचालन भारीपचे तालुकाध्यक्ष श्री. समाधान जाधव यांनी केले तर आभार प्रदर्शन महेंद्र हिवाळे यांनी केले. या कार्यक्रमाच्या यशस्वीतेसाठी पिंटू इंगळे, विशाल राज सोनकांबळे, सोनू तायडे व आदींनी परिश्रम घेतले.