लखनौ येथे टैक्स अधिकारी कार्यालयात तक्रार केल्यावर काहीच कारवाई न करता उलट लाच मागितल्याने अद्दल घडविण्यासाठी सदर कार्यालात अस्सल ‘नाग’ सोडण्याची अजब घटना लखनौ येथे घडली. लखनौ येथील ‘हक्कुल’ असे नाव असलेल्या एका गारुड्याचे कित्येक दिवसापासून आपल्या जमिनीचे प्रकरण सदर कार्यालात अटकून होते. वारंवार विनंती करूनही विना लाचेचे अधिकारी हे काम करण्यास टाळाटाळ करीत असल्याने सदर अधिकाऱ्यास अद्दल घडविण्यासाठी ‘हक्कुल’ याने आपल्या साधीदाराच्या मदतीने दोन थैली भरून ४० अस्सल ‘नाग’ भरून आणले आणि कार्यालात सोडले. यामुळे मात्र उपस्थीत नोकरदार वर्गाची चांगलीच भंबेरी उडाली. कुणी टेबल खुर्च्यावर तर कुणी इमारतीवरून खाली उड्या मारून जीव वाचवण्याचा प्रयत्न केला.
अतिरिक्त जमीन देण्या संदर्भात काही कार्यालयीन कर्मचारी टाळाटाळ करून लाच मागत असल्याने आपण कार्यालात ‘सापांचा ढीग’ लावला असे ‘हक्कुल’ ने म्हटले आहे.