सध्या सोशल मीडिया आणि व्हाटसअप वर एक मेसेज वेगाने फिरत आहे. ७७७८८८९९९ ह्या नंबरहुन आलेला फोन उचलू नका. अन्यथा तुमच्या फोनचा स्फोट होईल. वेळ कमी आहे लवकर हा मेसेज पुढे फॉरवर्ड करा. असा मेसेज इकडून तिकडे फिरताना दिसून येत आहे. आधी ransomware वायरस ने घातलेला गोंधळ आणि आता ७७७८८८९९९ नंबरचा मेसेज. अनेक जण यामुळे त्रस्त झाले तर अनेकांना काहीही कल्पना नाही. ७७७८८८९९९ नंबरच्या मेसेज मागचं खरं सत्य काय ???
या आधी जानेवारी मध्ये सुद्धा असाच एक मेसेज आला होता. तेव्हापासून आज पर्यंत कुणालाच त्या नंबरहून फोन आला नाही आणि स्फोट झाला नाही. ही निव्वळ एक अफवा आहे. या मी,मेसेज मागे काहीच तथ्य नाही. आपण वापरत असेलेले सर्व फोन नंबर हे १० अंकी आहेत. प्रत्येक मोबाईल हा १० आकडी असतो. जर लक्ष देऊन बघितलं तर दिसून येईल त्या मेसेज मध्ये आलेला नंबर तो ९ अंकी आहे. १० पेक्षा कमी अंक असलेले फोन नंबर बाहेर देशातील असू शकतात. परंतु त्या आधी फिक्स कंट्री कोड लागतो. उदा. भारताचा कंट्री कोड आहे +९१. जो प्रत्येक नंबर आधी आपल्याला दिसून येतो.
त्यामुळे तुम्हास घाबरून जाण्याचे कारण नाही. ही सोशल मीडिया वर उडालेली अफवा आहे.