रोज संध्याकाळी आपणापैकी किती जन आकाश बघता? जर बघत नसाल तर आपण मागील आठवड्यापासून दिसत असलेल्या एका गोष्टीपासून वंचित राहू शकता. रोज संध्याकाळी सुर्यास्त झाल्यावर पश्चिम दिशेला शुक्र आणि गुरु ग्रहाची जवळीक आपल्याला दिसून येईल. नेहमीच्या ताऱ्याप्रमाणे परंतु त्यापेक्षा आकाराने थोडे मोठे असे दोन पांढरे ठिपके आपणास आकाशात दिसून येतील ते म्हणजे शुक्र आणि गुरु आहे. रात्री ९ ते ९:३० च्या नंतर मात्र ते दिसून येत नाहीत. खगोलशास्त्रज्ञ आणि खगोलप्रेमीसाठी ही चालून आलेली एक पर्वणीच आहे. आणि विशेस म्हणजे आपल्या उघड्या डोळ्यांनी आपण हे बघू शकतो. ना कुठल्या दुर्बिणीची आवश्यकता वा अस्पष्ट सुद्धा नाही तर चक्क स्पष्ट आपण बघू शकतो. मग वाट कशाला बघताय, उद्या संध्याकाळी आपली घड्याळ सेट करून ठेवा आणि आपल्या डोळ्यांनी हे अप्रतिम दृश्य बघा.
शुक्र आणि गुरु चा मिलाप बघा रोज संध्याकाळी
