मित्रांनो, सध्याचे युग डिजिटल बनत चालले आहे. आधी आपल्याला बस तिकीट काढण्यासाठी बस स्टॅन्ड अथवा एजंट कडे जावं लागायचं. बँकेचे व्यवहार करण्यासाठी रांगेत तासंन तास उभे राहावे लागायचे, कुठलीही वस्तू खरेदी साठी बाजारात जाणे आणि वेळ आणि पैसे खर्ची घालणे असं करावं लागायचं परंतु आता काळ बदलत चालला आहे आणि या सर्व गोष्टी आपल्या बोटाच्या एका क्लिक वर आल्या आहेत. हे सर्व आपण वेबसाईट आणि एप द्वारे करू शकतो.
आज जाणून घेऊया आपण वेबसाईट चे फायदे कोणते ?
आपण कुठल्याही प्रकारे वेबसाईट बनवू शकतो. इतरांसाठी, स्वतः साठी, संस्था, कंपनी साठी. माहिती देण्याची देवाण घेवाण करण्यासाठी किंवा पैसे कमविण्यासाठी सुद्धा आता वेबसाईट हा चांगला पर्याय आहे. आपले दुकान आणि जागा असलीच पाहिजेत आणि त्यासाठी सकाळ ते संध्याकाळ असा वेळेचा नियम यामध्ये नाही. आपण हवे तेव्हा आणि ग्राहक पण त्याच्या वेळेनुसार काहीही खरेदी करू शकतो किंवा माहिती मिळवू शकतो हा सर्वात मोठा फायदा. याशिवाय तुम्ही कुठंही असले तरी तुम्ही दूरदूर पर्यंत तुमचं उत्पादन पोहोचू शकता. तुम्हास मर्यादा आड येत नाहीत. घरबसून, किंवा कुठल्याही ठिकाणाहून, इतकंच नाही तर आपण वापरत असलेल्या मोबाईलवरून सुद्धा आपण आपला व्यवसाय करू शकतो किंवा कुठलीही माहिती मिळवू शकतो. वेबसाईट मुळे जग अतिशय जवळ आले आहे. जगाच्या कुठल्याही कोपऱ्यात होत असलेल्या घडामोडी आपल्याला सेकंदात समजतात. असे अनेक फायदे आहेत. त्यासोबतच इतर माध्यमांचा विचार केला तर वेबसाईट ही प्रिंट जाहिरातीं पेक्षा स्वस्त आहे आणि वर्षभर त्याद्वारे आपल्या प्रोडक्टस् आणि सर्विसेस् ची जाहिरात कमी खर्चात करु शकतो. (वर्तमान पत्रामधली जाहिरातींचा कालावधी फक्त १ दिवस असतो पण त्यासाठी खूप जास्त पैसे मोजावे लागतात.) २४ तास आपला प्रोडक्टस् आणि सर्विसेस् विकणारी सेल्स एक्झिक्यूटिव म्हणजे आपली वेबसाईट! इकडे आपलं दुकान २४ तास चालू असत आणि या दुकानात जगभरातली माणसं येतात , अगदी आपण झोपलेले असताना आपले प्रोडक्टस् विकले जातात. वेबसाईट मार्फत तुम्ही थेट ग्राहकांशी संपर्क साधू शकता. म्हणजे तुमचे ग्राहक तुमच्या प्रोडक्टस् बद्दलचे त्यांचे मत तुमच्या समोर मांडू शकतात. वेबसाईट मुळे आपला बिझनेस आपण वाढवू शकतो आपल्या इन्वेस्टरला आपल्या कंपनी बदल माहिती, आपण काय मिळवलं ?
आणि भविष्यात काय मिळवणार आहोत? ते दाखवू शकतो. असे भरपूर फायदे आपल्याला वेबसाईट द्वारे मिळतात. आज आपण फायदे
काय ते बघितले पुढच्या भागात किती प्रकारच्या आणि वेबसाईट कशा प्रकारे कार्य करतात ते बघूया.