बुलडाणा शहरात अनेक गोरगरीब भटकतांना दिसून येतात ज्यांना घालायला कपडे नाहीत. थंडी, ऊन वारा पाऊस सर्व अंगावर झेलत ही लोक आपला बचाव करताना दिसून येतात. त्यांची गरज जाणून त्यांना मदत व्हावी या हेतूने साद माणुसकीची मित्र परिवार बुलडाणाच्या वतीने जिल्हाधिकारी कार्यालय येथे ‘माणुसकीची भिंत’ उभारण्यात आली आहे. येणाऱ्या जाणाऱ्यांना क्षणभर थांबायला लावणारी भिंत सध्या चर्चेत आहे. ज्याला लोकांनी पागल म्हणून हिनवले होते त्याला त्याच माणसानंमध्ये वावरण्या योग्य बनविले याचे समाधान साद माणुसकीची परिवाराच्या सर्वांच्या चेहऱ्यावर दिसून येत आहे.
प्रत्येकाकडे जुने कपडे असतात जे आपण टाकून देतो अथवा दाराशी आलेल्याना देऊन त्या बदल्यात काही तरी वस्तू घेतो. हेच कपडे जर ह्या गरजुंना दिले तर त्यांची गरज पण भागेल आणि काही केल्याचं समाधान पण मिळेल. या विचारातून बुलडाणा येथील साद माणुसकीची मित्र परिवाराच्या वतीने शहरातील,आसपाच्या खेड्यातील वंचितांना गरजेच्या वस्तू, कपडे,स्वेटर, भांडी, लहान मुलांचे,पुरुषांचे,स्त्रियांचे कपडे व इतर साहित्य दान करण्याचा उपक्रम राबविला आहे. इथे उभारलेल्या ‘माणुसकीच्या भिंतीवर’ आपल्याला नको असेलेले ती वस्तू देतात तर गरजवंत ‘घेऊन जातात’. प्रशंसनीय असलेल्या उपक्रमात रितेश खडके, सुरेश कावळे, महेंद्र सौभागे, अजय दराखे, योगेश सुरडकर, राहुल दराखे,न रेंद्र लांजेवार यांचा समावेश आहे.
ज्यांच्या जवळ जे जास्त असेल त्यांनी ते द्यावं,आणि ज्यांना नसेल त्यांनी घेऊन जावं. बस्स येव्हड साधं सोप्प गणित आहे ! आपण दान करू शकतो ते सर्व आपल्याला इथे देता येतील!! मोठ्या मनाने दान करा! दिल्याने कधी कमी होत नाही!! तरी आम्हाला हात द्या,वंचितांना साथ द्या आणि माणुसकी जपण्यास मदत करा असे आवाहन साद माणुसकीची मित्र परिवाराच्या वतीने करण्यात आले आहे.
