पारध जवळ वालसावंगी गावात झालेल्या दोन चिमुकल्यांच्या हत्येचं कोडं अखेर उकललं आहे. या प्रकरणात पोलिसांनी अकरा जणांना ताब्यात घेतल होत. त्यापैकी कल्पना पवार हिने आपल्या आई-वडिलांच्या मदतीने दोन्ही चिमुकल्यांची पैशासाठी हत्या केल्याचं कबूल केलं आहे.
या दोन चिमुकल्यांची हत्या करण्यासाठी आपले वडील हिरालाल पवार आणि आई रुक्मिणी पवार यांनीही मदत केल्याची कबुली कल्पनाने दिली आहे. कल्पना पवार, तिचे वडील हिरालाल पवार आणि आणि रुक्मिणी पवार यांच्याविरोधात खुनाचा गुन्हा दाखल केला आहे. तसंच तिघांनाही भोकरदन न्यायालयाने ३१ मेपर्यंत पोलिस कोठडी सुनावली आहे.