बुलडाणा जिल्यातील नांदुरा तालुक्यातील पोटळी शिवारात आज सकाळपासून एका बिबट्याने सहा तास उच्छाद मांडला. कुत्र्याची शिकार केल्यानंतर बराच वेळ हा बिबट्या झाडावर बसून होता. त्यामुळे बिबट्याला पाहण्यासाठी लोकांनी गर्दी केली होती.
गावातील वडोदे यांच्या शेतातील झाडावर बसलेल्या ह्या बिबट्याने जमवातील रमेश राजाराम तागडे (५५) या मजुरावर हल्ला करून त्यांना जखमी केले. त्यानतर एका वृद्धावरही हल्ला केला. त्यानंतर तो बांबूच्या झाडात शिरला. याबाबत पोलिस व वनविभागाला माहिती देण्यात आली. त्यावरून प्रादेशिक वनविभागाचे अधिकारी, कर्मचारी तसेच पोलिस घटनास्थळी पोहचले. सुमारे सहा तासापर्यंत पोटळी शिवारात ह्या बिबट्याचा थरार कायम होता.