आपण मेकअप करीत असतांना काय काळजी घ्यावी, सौंदर्यप्रसाधनं कोणती वापरावी, मेकअप बेस कसा असावा, आधी काय लावायचं, कसं लावायचं असे अनेक प्रश्न मनात येतात याचे उत्तर आज आम्ही घेऊन आलो आहोत.
पावसाळ्यातील वातावरण हे उष्ण आणि दमट असते. म्हणूनच मेकअपही त्यानुसारच करायला पाहिजे. जेव्हा तुम्ही सौंदर्यप्रसाधने आणण्यासाठी पावसाळ्याची खरेदी करण्यासाठी मार्केटमध्ये जाणार तेव्हा वॉटरप्रूफ किंवा वॉटररेसिस्टंट मेकअप कॉस्मेटिक्स आणायला विसरू नका. पावसाळ्यात तुम्ही कमी मेकअप करून कसे सुंदर दिसणार यासाठी प्रयत्न करणे हा एक उत्तम पर्याय आहे.
निरोगी त्वचेसाठी- पावसाळ्यातील उष्ण आणि दमट वातावरणामुळे त्वचेवर मुरूम येण्याची शक्यता असते. त्यासाठी स्नानापूर्वी चेहरा, मान, हात यांना दुधाने मालिश करावे. याने त्वचा चांगली राहते. तसेच दिवसातून तीन-चार वेळा चेहरा थंड पाण्याने धुऊन वॉटर बेस्ड मॉइश्चराइजरचा वापर तुम्ही करू शकता. ज्यामुळे घाम येण्याचे प्रमाण कमी होते. या करीता तुम्ही बर्फाने चेहऱ्याला ५ ते १० मिनिटे मसाज केल्यास अतिरिक्त लाभ आपणास मिळेल. असे केल्यास त्वचा ताजी, फ्रेश व चांगली राहते यामुळे मेकअप जास्त काळ टिकून राहतो. जर आपली स्किन तेलकट असेल तर अस्ट्रेन्जंट व कोरडय़ा स्किनकरता टोनर चा वापर करू शकता.
डोळ्यांचा मेकअप- पावसाळ्यात डोळ्यांचा मेकअप करतांना विशेष काळजी घेणे गरजेचे आहे. कारण जास्त वेळ खर्च करून जर तुम्ही आयशॅडो, मस्करा, लाइनर लावत असाल तर ते पावसाचे काही थेंब पडताच पूर्ण मेकअप खराब होईल याचा आपणास अनुभव देखील असेल. मेकअप खराब होण्याचे आणखी एक कारण असु शकते ते म्हणजे दमट हवा. आय लाइनरपेक्षा कोहल वापरू शकता. कारण आय लाइनरच्या तुलनेत कोहलची पाण्याला प्रतिकार करण्याची क्षमता जास्त काळ असते. पावडर आय शॅडोमध्ये तुम्ही टरक्वाइस, ब्राउन, ब्ल्यू, ग्रीन आणी पिंक शेड्सची निवड देखील करू शकता. वॉटरप्रूफ मस्काऱ्याचा अथवा लाईट ब्रो पेन्सिलचा देखील वापर करू शकता.
फाउंडेशन- पावसाळ्यात फाउंडेशन करणे टाळनेच योग्य आहे. पाण्याने किंवा घामाने चेहरा ओला झाल्यास चेहऱ्यावर फाउंडेशन निघून जातो त्यामुळे त्याच्या ऐवजी लूज पावडर चा वापर करू शकता.
लिपस्टिक- पावसाळ्यात झोपताना ओठांना हलकीशी कोल्ड क्रीम लावावी. त्याने ओठ मुलायम राहतील. पावसाळ्या मध्ये ओठांचा मेकअप थोडासा लाईट पण मोहक वाटणारा असणे आवश्यक आहे. भडकपणा येणार नाही याकडे लक्ष असू द्यावे. त्यासाठी पारदर्शक लिप ग्लॉस वापरावा. चांगला लूक टिकवून ठेवण्यासाठी तो दिवसातून अनेक वेळा लावता येऊ शकतो. ग्लॉसी लिपस्टिकपेक्षा मॅटला प्राधान्य द्यावे. पिंक व ब्राउनची विविध शेड्सची निवड तुम्ही करू शकतात. तुम्ही लिप लायनरचा वापर करतांना फक्त ते वॉटरप्रूफ आहे याची खात्री करून घ्यावी. नाहीतर पावसाचे थेंब पडताच ते निघून जाऊ शकतो.
भुवया- पावसाळ्यात भुवया नेहमी व्यवस्थित कोरलेल्या असाव्यात. तसेच त्या क्लियर किंवा टिन्टेड जेलनी सेट करा.
ब्लशर- पावसाळ्यात कोऱ्या चेहऱ्याला ब्लशरने नक्कीच गेटअप येतो. ब्लशरची शेड सिलेक्ट करतांना तुमच्या चेहऱ्याला व्यवस्थित ब्लेंड होईल असाच निवडावा. पावसाळ्यात क्रीमी व स्पार्कल असलेले ब्लशर सहसा वापरू नये.
अशा प्रकारे पावसाळ्यात मेकअप करीता या टिप्स वापरून तुम्ही आणखी सुंदर व पावसापासुन आपल्या मेकअपची काळजी घेऊ शकता.