भारतीय टेलिकॉम विश्वात खळबळ उडवून दिल्यानंतर आता आपल्या ग्राहकांसाठी सुद्धा एका धक्कादायक बातमी ‘रिलायन्स जिओ‘ ने आणली आहे. रिलायन्स जिओची मोफत इंटरनेट सेवा ३१ मार्चला बंद होणार आहे. १ एप्रिलपासून जिओ नेटवर्कवरून व्हॉइस कॉल आणि रोमिंग मोफत असेल, पण डेटासाठी नवे टेरिफ प्लॅन सुरू होणार आहेत.
३१ मार्चपूर्वी जिओची सेवा घेणाऱ्या ग्राहकांना ९९ रुपयांत जिओ प्राइमचं सदस्यत्व दिलं जाईल आणि या सदस्यांसाठी ३०३ रुपयांचा एक खास प्लॅन असेल, असं रिलायन्स जिओ तर्फे जाहीर करण्यात आलं आहे. ३१ मार्च २०१८ पर्यंत या सदस्यांना जिओ न्यू इअर ऑफरचा फायदा मिळणार असून ३०३ रुपयांच्या मासिक प्लॅनमध्ये त्यांना अनलिमिटेड डेटा वापरता येणार आहे. My Jio App, jio.com वरून १ ते ३१ मार्चदरम्यान जिओ प्राइमचं सदस्यत्व घेता येईल.