आज दुपारी बुलडाणा शहरातील स्थानिक तहसील चौकात काँगेसच्यावतीने वाढत्या महागाईच्या निषेधात भव्य बैलगाडी मोर्चा काढण्यात आला. वाढती महागाई व पेट्रोल, डिझेल, गॅस-सिलेंडर यांच्या दर वाढीचा निषेध करण्यात आला.
काँग्रेसचे आमदार श्री हर्षवर्धनजी सपकाळ यांच्या नेतृत्वाखाली हा मोर्चा बुलडाणा तहसीलदार कार्यालयावर काढण्यात आला. यावेळी आमदार श्री हर्षवर्धनजी सपकाळ तसेच काँग्रेसचे इतर पदाधिकारी आणि कार्यकर्ते मोठ्या संख्येने सहभागी झाले होते. या मध्ये मोठ्या प्रमाणात बैलगाड्या या मोर्च्यात सहभागी झाल्या होत्या. स्वतः आमदार श्री हर्षवर्धनजी सपकाळ हे बैलगाडी मध्ये बसून बुलडाणा शहरात फिरले. या बैलगाड्यावर दोन चाकी वाहने (टू व्हीलर) ठेवण्यात आल्या होत्या. तसेच घरगुती गॅसचे भाव वाढत असल्यामुळे त्याचे फलक देखील बैलगाडीवर लावले होते. रोजच्या रोज पेट्रोल डिझेलच्या दरात भरमसाठ वाढ होत आहे. बरेच वेळा घरगुती गॅसच्या किमतीत केलेली वाढ त्यामुळे सर्वसामान्य जनतेला महागाईचा फटका बसत आहे. शेतकऱ्यावरील वाढत कर्जाचा डोंगर दिवसेंदिवस वाढतच आहे या कर्जाला कंटाळून शेतकरी आत्महत्या करीत आहेत त्यामुळे महागाईचा निषेध करण्यासाठी हा मोर्चा काढण्यात आला.
यावेळी मा. तहसीलदार साहेब यांना, मा. आमदार श्री. हर्षवर्धनजी सपकाळ व काँग्रेसकार्यकर्ते यांनी निवेदन सादर केले