भगतसिंग, राजगुरू, सुखदेव यांच्या बलिदानासाठी आजचा दिवस ‘शहीद दिवस’ म्हणून पाळल्या जातो. संपूर्ण भारतभर आज ह्या तिन्ही क्रांतीकारकांना श्रद्धांजली अर्पण करण्यात येते. त्या अनुषंगाने आज दिनांक 23 मार्च ला या दिवशी या देशाला स्वतंत्र मिळवून देण्यासाठी फासावर लटकणारे शहीद भगतसिंह, शहीद राजगुरु आणि शहीद सुखदेव याना श्रद्धांजली देण्याकरीता पातुर्डा येथे शहीद दिवस साजरा करण्यात आला. दरवर्षी प्रमाणे या वर्षी पण शहीद दिवस आठवण पर साजरा केला. गावातून काढण्यात आलेल्या प्रभातफेरी मधे इयत्ता 5वी ते ९वीचे विद्यार्थी विद्यार्थिनी उपस्थित होते.
संग्रामपूर येथील ग्राम पातुर्डा येथे क्लीन पातुर्डा ग्रीन पातुर्डा आणि संघर्ष ग्रुप यांनी आज हा दिवस शहीदाना आठवण म्हणून साजरा केला. या वेळी अभिषेक मोहनकार हा भगतसिंह, वैभव वानखड़े सुखदेव, प्रतिक राहाटे राजगुरु तर नकुल राठी हा चंद्रशेखर आज़ाद यांच्या वेशभूषेत होता. शहीद दिनानिमित्त गावातून आज पायी रॅली काढण्यात आली. यावेळी शहीद भगतसिंग, राजगुरू आणि सुखदेव यांचे नारे लावण्यात आले. पातुर्डा येथील ज्ञानदीप कोचिंग क्लास मध्ये त्याना क्रांतीकारकांना श्रद्धांजली वाहून देऊन त्यांच्या जीवन चरित्रावर प्रकाश टाकण्यात आला. या वेळी गजानन उगले सर, महेश सातव सर, खंडेराव सर यांनी आपले विचार व्यक्त केले.