आपल्या लेखणीतून सतत काहीना काही लिहिणारे आपले लेखक, मार्गदर्शक आणि बुलडाणा जिल्ह्याचे गौरव ‘नरेंद्र लांजेवार’ जी यांचा आज वाढदिवस आहे त्याचे औचित्य साधून आपण आज त्यांच्या बाबतीत आपण आज जाणून घेणार आहोत.
नरेंद्र लांजेवार यांचा जन्म ११ मे १९६८ ला झाला. पदवी शिक्षण पूर्ण झाल्यावर त्यांनी पत्रकारितेची पदवी पूर्ण केली. व्यवसायाने बुलडाणा येथील भारत विद्यालयात ग्रंथपाल असेलेल नरेंद्र लांजेवार यांनी अनेक ग्रंथलेखन केले आहेत. त्यामध्ये अभिव्यक्तीचे क्षितिजे, वाचू आनंदे मिळवू पपरमानंदे, बुलडाणा जिल्हा साहित्य दर्शन, शेतकऱ्यांच्या आत्महत्या: चिंता आणि चिंतन,, कथांकुर अशी अनेक पुस्तके लेखन केली आहेत. याशिवाय २०० प्रासंगिक तथा वाङ्मयीन लेख लिहिले आहेत. दै.देशोन्नती., दै. लोकमत, दै. मराठवाडा, दै. तरुण भारत, दै. नवराष्ट्र, दै. सकाळ यासंह आत्मभान, महाराष्ट्र यांसारख्या साप्ताहिक मध्ये तसेच दिवाळी अंकात त्यांचे लेख प्रकाशित झालेले आहेत. नरेंद्र लांजेवार यांनी आकाशवाणी च्या जळगाव केंद्रावरून विविध कार्यक्रमांचे प्रसारण तथा ‘उगवतीचे रंग’, ‘बालवाडी’, ‘पुस्तक परिचय’, ‘पालक-बालक’, ‘साल आणि उकल’, ‘पाऊलखुणा’ इ,सदरांचे लेखन केले आहे.
नरेंद्र लांजेवार यांनी फक्त लेखनच नाही तर सर्वाना वाचनाची आवड लागावी. लहान मुलांना या डिजिटल युगात पुस्तक वाचण्यासाठी आणि आवड निर्माण होण्यासाठी बुलडाणा शहरात ५० पुस्तक्मैत्री बाल वाचनालयांची उभारण्याचे कार्य केले आहे. शिवाय नरेंद्र लांजेवार हे व्यक्तिमत्व विकास कार्यशाळेचे मुख्य संयोजक आहेत. आपल्या लेखणीने जिल्हावासियांवर ठसा उमटवणारे नरेंद्र लांजेवार यांना पत्रकारितेच्या तथा वाचन-लिखाणाच्या क्षेत्रातील विभागीय तथा राज्यस्तरावरील विविध पुरस्कार प्राप्त झाले आहेत. आज त्यांच्या वाढदिवशी त्यांना एम एच २८. इन तर्फे भरभरून शुभेच्छा. ते असेच आपल्या लेखणीतून आपणा सर्वाना ज्ञानरूपी अमृत पाजत राहो हीच सदिच्छा.