मी ओठांनी काहीही न बोलता,
तुझे तु समजून घ्यावे |
निर्बोल निरागस प्रेम माझे,
डोळ्यातून तूजला केव्हा कळावे || १ || मी ओठांनी…
स्वप्नफुलांचा तुझ्या गं मनी,
फुलला वसंत तूज केव्हा कळावे |
प्रेमात शब्दांचा संबंध येतोच कुठे,
हे तर प्रेमींच्या नजरेत दिसावे || २ || मी ओठांनी…
तुझ्या आयुष्याच्या स्वप्नवेलीवर सखे,
माझ्या प्रीतीचे सुमन फुलावे |
पाषाणरूपी हृदयात तुझ्या,
माझ्या प्रेमाचे झरे खुलावे || ३ || मी ओठांनी…
एकच इच्छा वसे मनात माझ्या,
हसतखेळत तुझसंगे आयुष्य जगावे |
प्रीतीच्या ह्या पहिल्या सरींचे,
स्पर्शगंध तूज केव्हा कळावे || ४ || मी ओठांनी…
माझ्या वेडेपणाचे स्थान मनी काय तुझ्या,
नयनातून सखे तु व्यक्त करावे.
मी ओठांनी काहीही न बोलतो,
तुझे तु समजून घ्यावे || ५ || मी ओठांनी…
अजीतसिंघ जाठ.
मो : +९१ ८१४९३१७१११