माळी समाज राज्यस्तरीय युवक-युवती परिचय महासंमेलन वर्ष २३ वे.
माळी सेवा मंडळ खामगांव, माळी समाज बहुउद्देशीय मंडळ शेगांव व युग पुरुष महात्मा फुले बहुउद्देशीय प्रतिष्ठान अकोला यांच्या संयुक्त विद्यमाने माळी समाज राज्यस्तरीय युवक युवती परिचय महासंमेलन शेगांव येथे दि. १४ ते १५ जानेवारी २०१७ दोन दिवसीय आयोजित केले होते. आयोजनाचे स्थळ महात्मा ज्योतिबा फुले मंगल भवनाची नियोजित जागा, संत श्री सावता नगर, नवोदय विद्यालयाजवळ, खामगांव रोड शेगांव जिल्हा बुलडाणा महाराष्ट्र येथे संपन्न झाले.
येथे प्रमुख मान्यवर म्हणुन माजी. आमदार श्री. कृष्णरावजी इंगळे जळगांव जामोद,
माजी. आमदार श्री. लक्ष्मणरावजी तायडे बाळापुर, मा. अध्यक्ष श्री. संजय अवधुतराव वानखेडे अकोला, इंजी. श्री. सुभाष नामदेवराव निखाडे खामगांव आणि इतरही अनेक मान्यवर येथे उपस्थित होते.
महासंमेलनाची सुरुवात दिप प्रज्वलनाने मा. प्रमुख अतिथींच्या हस्ते करण्यात आली. त्या नंतर मान्यवरांचे पुष्प हाराने स्वागत करण्यात आले. येथे प्रमुख पाहुण्यांनी मार्गदर्शन पर भाषण दिले. त्यानंतर राज्यस्तरीय युवक युवती परिचयास सुरुवात झाली.
दुसऱ्या दिवशीच्या कार्यक्रमाचे उद्घाटन श्री कमल तायडे यांनी केले. प्रमुख पाहुणे म्हणुन माजी.आमदार श्री. लक्ष्मणरावजी तायडे, उद्योजक मनोज महाजन हे हि उपस्थित होते. उदघाटन पर कमल तायडे यांनी आपले विचार मांडले मुला – मुलींनी रंग रूप न पाहता एक मेकांचे गुण पाहावे. असे करणार तरच संसारात सुख व सौख्य मिळेल. मुलींनी मुलाची नौकरी न पाहता निर्व्यसनी, गुण व त्याचे विचार पहावेत असे केल्यास तुम्ही महात्मा जोतिबा फुले व सावित्री बाई फुले यांच्या विचारांना पुढे घेऊन जाणार व एका चांगल्या समाजाची निर्मिती होईल. एवढे बोलून त्यांनी आपल्या विचारांना पूर्ण विराम दिला. व इतर मान्यवरांनी हि आपले विचार व्यक्त केले. तसेच ना. श्री. भाऊसाहेब फुंडकर, आ. श्री.आकाशजी फुंडकर व आ. श्री. बळीरामजी सिरस्कार यांनी हि महासंमेलनाला भेट दिली. त्यांनी मार्गदर्शन पर भाषण दिले. माळी समाज सभागृहा साठी १५ लाख रुपये दिलेले असून आ. श्री आकाशजी फुंडकर यांनी आपल्या आमदार निधीतून १० लाख रुपयचा निधी दिला जाईल अशी घोषणा केली. त्यानंतर दुसऱ्या दिवशीच्या राज्यस्तरीय युवक युवती परिचयास सुरुवात झाली. या महामेळाव्यात चि. राहुल सदानंद खंडारे तसेच दिशा खंडारे यांचा विवाह योग जुळला. या राज्यस्तरीय महामेळाव्यात ८५७ युवक युवतींचा परिचय संपन्न झाला. या महामेळाव्याचे आभार प्रदर्शन श्री अनिल गिऱ्हे यांनी केले. कार्यक्रमाचे उद्घोषण वनिता उंबरकर, नीलिमा इंगळे व कल्पना तायडे यांनी केले. अशा प्रकारे १४ ते १५ जानेवारी २०१७ रोजी चे २३ वे माळी समाज राज्यस्तरीय युवक युवती परिचय महासंमेलन संपन्न झाले.