“घर”
घर ही स्वतःची जागा आहे ,
म्हणुन त्याला घर म्हणता येत नाही.
जाण्या-येण्याचा रस्ता आहे,
म्हणून त्याला दार म्हणता येत नाही.
घर म्हणजे आशेची असलेली किरणं,
सूर्याचं असलेलं तेज.
प्रपंचात राहून केलेला परमार्थ,
कुटूंबातील सर्वांसाठी त्यागलेला स्वार्थ.
संसाररूपी मंदिरात असलेल्या,
आई वडलांची पूजा.
जिव्हाळा असेल सर्वांसाठी नाही अंतर्भाव दुजा,
घर म्हणजे नुसत्या चार भिंती.
एक उंबरठा आणि दोन खिडक्या नाही,
डोक्यावर सावली आहे म्हणून ते छत नाही.
आपुलकी, प्रेम, जिव्हाळा, माया
ह्या चार भिंती त्यांची शीतल छाया.
उंबरठा म्हणजे घराची मर्यादा
खिडक्यांतून वाहावी वाऱ्याची झुळूक सदा.
डोक्यावर असलेला मायेचा प्रेमळ हात म्हणजे
घराचं असलेलं छत जेथे सावली मिळते सुखाची असं माझं मत.
घरात व्हावा नेहमी थोरा-मोठ्यांचा आदर
आला पाहुणा कधी करावा स्नेह भाव सादर.
असेल असं वातावरण जिथे तेचं घर-दार
सौ. अनिता भागवत येवले (बुलढाणा)