Tag: health benefits of ginger tea

जर आपल्या दैनंदिन जीवनातून ‘चहा’ वजा केला तर ? अशक्य! ते होऊ शकत नाही असंच उत्तर मिळेल कारण चहा हा अविभाज्य घटक बनला आहे. चहा हे विष आहे जे हळूहळू मनुष्यास मारते असं कुणीही सांगत असलं तरी चहाचा घोट घेतल्याशिवाय सकाळ होत नाही आणि इतर मोठी कामे आणि चर्चासुद्धा चहाशिवाय पूर्ण होतंच नाही. हा चहा जर अद्रक टाकलेला असेल तर व्वा! त्याची मजा काही औरच !

अद्रकचा चहा अत्यंत गुणकारी आणि थंडीच्या दिवसात होणाऱ्या अनेक समस्यांचा नाश करतात.चहा चा फक्त सुगंध आपल्याला ताजेतवाने करतो. पचनक्रिया आणि तणावमुक्ती चहा उपयोगी ठरतो. यामध्ये असलेले एंटी ऑक्‍सीडेंट स्वास्थासाठी चांगले असतात. चला तर जाणून घेऊया चहाचे काही फायदे :
१. आळस आणि थकवा दूर करतो :
तुम्ही जर थकला आहेत आणि कंटाळा येत असेल तर त्यामधून बाहेर कडून स्फूर्ती देण्याचे काम चहा चा एक कप करतो. म्हणूनच ऑफिस, कचेऱ्या, हॉटेल आणि घरात आपल्याला चहा दिसतोच. घरी आलेल्या पाहुण्यांचे स्वागत सुद्धा विनाचहा होऊ शकत नाही.
२. उलटी व ओकारी वर गुणकारी :
प्रवासात अनेकांना उलटीचा त्रास होतो. त्यासाठी जर एक कप चहा पिऊन प्रवास करत असाल किंवा प्रवासात होणारी मळमळ आणि डोकेदुखी बंद करायची असेल तर अद्रकचा चहा उपयोगी ठरतो.
३. सर्दी पडसे दूर करतो
सर्दी पडसे ही अशी बिमारी आहे की लवकर जात नाही आणि मनुष्य खूप वैतागतो. जर सर्दी पडसे असेल तर अद्रकचा चहा त्यावर जालीम उपाय आहे. अद्रक मध्ये असलेले प्राकृतिक एंटीबायोटिक बंद झालेले नाक, कफ आणि डोकेदुखी बंद करण्यासाठी मदत करतात शिवाय गळा सुद्धा मोकळा होतो.
४. वात, पित्‍त आणि कफ दूर करतो
अद्रक चा चहा प्राशन केल्याने मनुष्याच्या वात, पित्‍त आणि कफ आणि त्यापासून होणाऱ्या समस्या दूर होण्यास मदत होते
५. हृद्यरोगापासून बचाव करतो
अद्रक च्या चहात असेलेले अमीनो एसिड शरीरात रक्त प्रवाह संतुलित करण्यास मदत करतो. ज्यामुळे कार्डियोवास्कुलर, स्ट्रोक आणि कोलेस्ट्रॉल सारख्या समस्या दूर होतात. याशिवाय ब्लड सर्कुलेशन, श्वसन संबंधी समस्या, महिलांच्या मासिकचक्रात सुद्धा अद्रक चा चहा गुणकारी आहे. हे झाले आरोग्यवर्धक फायदे.
याशिवाय जीवनात सुद्धा अनेक महत्वपूर्ण घडामोडी चहा च्या साक्षीनेच पार पडतात. जस मुलगी बघण्याचा कार्यक्रम, लग्नसोहळा असो वा कार्यालयीन मिटिंग वगैरे. चला मग होऊन जाऊ द्या एक गरमा गरम ‘स्पेशल अद्रक वाली चाय’.