पातुर्डा चे ग्रामदैवत महासिद्ध महाराज यांची यात्रा येत्या १० फेब्रुवारी येत आहे. त्या निमित्ताने गावात हरिनाम सप्ताहाचे आयोजन करण्यात आले आहे. अखंड हरिनाम सप्ताहाचे आयोजन ४ ते ११ फेब्रुवारी दरम्यान करण्यात आले आहे. हभप रवींद्र महाराज सोयगाव, लक्ष्मण महाराज कोकाटे सावरपाटी, गजानन महाराज मलकापूर, लक्ष्मी नारायण दायमा महाराज पारस, मधुकर महाराज जोगंदल अकोला, संजय पाटील महाराज बामदा, गणेशनंद महाराज कागन्ये आळंदी देवाची, विनायक महाराज भोपळे निमगाव यांचे कीर्तन होणार आहे. तसेच दि. ११ फेब्रुवारी रोजी अभिनेते अमोल जुमळे आणि साथीदारांचा ‘शिवनागर’ कार्यक्रम होणार आहे. ‘गाथा पारायण’ व्यासपीठाचे नेतृत्व निमगाव येथील विनायक भोपळे हे करणार आहेत. गावकऱ्यांच्या वतीने ११ फेब्रुवारीला महाप्रसादाचे आयोजन करण्यात आले असून सर्वाना याचा लाभ घेण्याचे आवाहन करण्यात आले आहे.
पातुर्डा येथे हरिनाम सप्ताहाचे आयोजन
